Catherine Connolly (Galway West, Independent) | Oireachtas source

Is í seo an cheist dheireanach agus tá sé ardaithe agam cheana le Alan Esslemont. Bíonn fotheidil i mBéarla ar na cláracha ach ní bhíonn fotheidil i nGaeilge. Ceapaim go bhfuil sé thar a bheith tábhachtach go mbeadh fotheidil i nGaeilge orthu. Cén fáth nach bhfuil? An cheist airgid nó tuisceana atá i gceist nó an bhfuil mise iomlán mícheart ó thaobh an gá atá le fotheidil i nGaeilge freisin? Tá a lán daoine a bhfuil Gaeilge ó dhúchas acu ach nach bhfuil an léamh acu mar sin is deis iontach í ar an leibhéal sin. Is deis iontach í freisin do dhaoine cosúil liom féin a d'fhoghlaim an Ghaeilge go mbeadh an Ghaeilge le feiceáil scríofa. Feicim an Béarla ach ní an Ghaeilge agus go minic, bíonn na cláracha atá feicthe agam iontach. Bhreathnaigh mé le déanaí ar an gclár "Marú inár Measc" ar TG4 a rinne cur síos ar foréigin bhaile. Bhí sé iontach agus déanaim comhghairdeas le TG4 as. Bhí ar an gcomhlacht a rinne é cuid de na hagallaimh a dhéanamh trí Bhéarla ach ní raibh aon fotheidil i nGaeilge. Ceapaim gur bearna mhór í sin.