Aengus Ó Snodaigh (Dublin South Central, Sinn Fein) | Oireachtas source

Tá an tAire Stáit ag déileáil leis an méid a thugtar dó agus tá sé go maith go bhfuil méadú tagtha ach tá gá le hardú níos mó.

Maidir le roinnt de na rudaí atá luaite ag an Aire Stáit agus ag an Roinn, caithfimid cinnte a dhéanamh de go bhfuil dóthain airgid ann dóibh. Glacaim leis go bhfuil ciste ar leith curtha ar leataobh má tá toghchán Údaráis na Gaeltachta ar siúl. Ar an bpointe sin, cathain a mbeidh an reachtaíocht againn? An féidir linn a rá leis an bpobal nach mbeidh an toghchán ar siúl i mbliana?