Mr. Dualta Ó Broin:

Braitheann an rud a dhéanfaimis ar an ábhar agus más féidir a aithint nó nach féidir a aithint cad atá ar siúl. Más rud é go bhfuil duine éigin ag cur beatha duine éigin eile i mbaol, tá sé simplí dul i ngleic leis sin. Braitheann sé ar an ábhar má thagann sé salach ar na polasaithe atá againn agus an rud é a gcaithfí a chur chuig na tríú páirtithe sin agus gur féidir leo sin a rá nach bhfuil sé sin fíor. Ansin, má tharlaíonn sé sin, ní chuirfimid díreach isteach ar an ábhar sin ach ar aon sampla eile den ábhar ceannann céanna. Tógtar é ar an am ar fad. Má tharlaíonn rud éigin, ní chuirimid an deisiú isteach ar phíosa amháin ach isteach ar an gcóras iomlán.