Éamon Ó Cuív (Galway West, Fianna Fail) | Oireachtas source

Shíl mé mar rannóg na n-oileán go mbeadh sí ar an talamh ag fáil na bhfadhbanna agus ag gabháil - ní ag fanacht - ach ag gabháil chuig na heagrais eile ag rá go bhfuil an fhadhb seo le huisce nó le séarachas ann, go gaithfear é a réiteach agus gurb é seo an méid atá an rannóg sásta a chur isteach sa phota chun déileáil leis an bhfadhb seo le seirbhísí fisiciúla sláintiúla agus mar sin de. Bheadh an rannóg ag gabháil chuig na heagrais ag tairiscint seachas a bheith ag fanacht go dtiocfadh iad siúd chuig an rannóg. Níl sé mar thosaíocht acu siúd ach tá sé mar chéad tosaíocht ag rannóg na n-oileán. Feictear dom gurb é sin an difríocht atá ann. Ar ndóigh, tá i bhfad níos lú airgid ag an rannóg agus caithfear an t-airgead a mhéadú, ach ní airgead mór atá i gceist. Dá mbeadh €20 milliún sa bhliain ag an rannóg, bheadh sí ag déanamh togha na hoibre agus chlúdódh sé chuile shórt, céanna agus a leithéid. Teastaíonn an infheistíocht, agus mar sin, ar na hoileáin. Má táimid ag gabháil ag coinneáil pobail inmharthana bhuana ar na hoileáin, teastófar cineál infheistíochta mar sin.