Aengus Ó Snodaigh (Dublin South Central, Sinn Fein) | Oireachtas source

An féidir linn déileáil leis an Aire ar dtús báire? Is féidir dul ar ais chuig an Aire Stáit ina dhiaidh sin. Tá cúpla ceist agam féin. Arís, b'fhéidir gur féidir linn déileáil leo amach anseo. Tá ceist agam maidir leis an nuacht agus TG4. Is ceist don todhchaí é sin. Baineann sé leis an gcoimhlint nó iomrascáil ó thaobh cé atá chun an nuacht a bheith aige amach anseo, TG4 nó RTÉ. Is ceist don todhchaí é seo agus is féidir linn déileáil léi amach anseo.

Ina cur i láthair, dúirt an tAire gur tugadh an méid a bhí á lorg ag TG4 dó. Cheap mise go raibh i bhfad Éireann níos mó ag teastáil ó TG4 chun an fhís agus plean straitéiseach atá aige a chur in oiriúint, a chur i láthair agus a thabhairt chun críche. Leagadh amach é thar tréimhse chúig bliana agus bhí infheistíocht ar leith ag teastáil. Glacann gach duine leis go bhfuil ardú suntasach tugtha ach, chun an plean straitéiseach seo a chur i gcrích, ba chóir go mbeadh sé i bhfad Éireann níos mó. Má táimid chun dul i dtreo S4C agus leithéidí an stáisiún i dTír na mBascach, tá gá le i bhfad Éireann níos mó infheistíochta.