Catherine Connolly (Galway West, Independent) | Oireachtas source

Críochnóidh mé i gceann nóiméad. Cén uair a bheidh ionad ar an suíomh sin nó ar shuíomh eile? Más rud é go bhfuil athbhreithniú i gceist ó thaobh an tsuímh de, fáiltím roimhe sin. An é sin an rud atá á rá ag an Dr. O’Reilly mar is é sin an suíomh atá roghnaithe leis na blianta, áit nach bhfuil aon dul chun cinn déanta ann? Tuigim an chúis taobh thiar de sin mar tá pleananna eile ag an úinéir don suíomh sin. In ainneoin sin, lean Uisce Éireann ar aghaidh leis na blianta á rá gurbh é seo an suíomh. An bhfuil an chiall faighte ag Uisce Éireann anois nach é seo an suíomh agus an bhfuil an chuideachta ag breathnú ar shuíomhanna eile anois?