Aengus Ó Snodaigh (Dublin South Central, Sinn Fein) | Oireachtas source

Is í an fhadhb atá ann ó thaobh an 50% ná, go dtí seo, ní raibh ach beirt bean tofa don údarás. B'fhéidir nach raibh siad san iomaíocht. Tá jab le déanamh chun a dhéanamh cinnte go bhfuil mná san iomaíocht. Muna bhfuil ach duine amháin chun a bheith tofa as ceantar, bheadh sé deacair comhionannas a fháil. Conas is féidir déileáil leis sin? Ansin bheadh an t-ualach ar fad ar an Aire. Muna bhfuil mná tofa, bheadh air nó uirthi seisear ban a roghnú. Ní rud dona é sin ach ní cóir go mbeadh sé ar fad ag brath ar na hainmniúcháin. Ba chóir go mbeadh daoine tofa. Is ag lorg tuairimí ó dhaoine atáimid. Níl muid ag súil go mbeadh réiteach na faidhbe ag na finnéithe.