Pa Daly (Kerry, Sinn Fein) | Oireachtas source

Tá brón orm. Bhí orm dul amach go dtí an Dáil Chamber. Bhí duine éigin agus an Teachta Ó Cuív ag caint mar gheall ar na pleananna contae. B'fhéidir go mbeadh Norma Moriarty in ann an cheist seo a fhreagairt. Níor mhaith liom í a chur ar an spota. Bhí pods nó suímh le seirbhísí i gceist. Bhí caint ar chinn i Séipéal na Carraige, i bhFionntrá agus in Uíbh Ráthach. An raibh aon dul chun cinn leis na suímh sin? An bhfuil aon tuairimí ag na finnéithe? Bhí dream ó Shleacht Néill istigh ag cruinniú den chomhchoiste ag caint faoi Ghaeltacht a chruthú agus faoin GAA. Bhí suíomh ag an dream sin thuas i Sleacht Néill agus bhí sé ag tabhairt tacaíochta do chruthú Gaeltachta thuas ansin.

An bhfuil aon tuairimí ag na finnéithe mar gheall ar na hiarrthóirí don údarás? An gá dóibh a bheith ina gcónaí nó ag obair i gceantair Ghaeltachta? B'fhéidir gur chuir duine eile an cheist seo nuair a bhí mé amuigh ach an bhfuil tuairimí ag na finnéithe mar gheall ar an gcomhionannas idir fir agus mná ar bhord an údaráis? An bhfuil aon chumhachtaí breise ag teastáil ón údarás nuair a bheidh an bord nua bunaithe? Bhí an Teachta Ó Cuív ag caint mar gheall air sin.