Mr. P?id? ? S?:

Ba mhaith liom freagra ar mo cheist féin. Ní raibh mé ar bhord riamh go raibh 20 duine ann agus go raibh tú ábalta a bheith gníomhach i gceart agus spriocanna a bhaint amach. Tá sé beagáinín deacair agus bíonn sé ar nós rud polaitíochta seachas rud éigin atá gníomhach. Féach, mar shampla, ar IDA Ireland, agus déanann sé sórt leath an jab a dhéanann an t-údarás mar tá dhá tasc aige. Féach cé mhéad duine atá tofa air sin agus cífear nach bhfuil éinne. B'fhéidir gur cheart dúinn féachaint ar struchtúr réigiúnach seachas a bheith ag troid faoi chóras le daoine tofa agus rudaí mar sin. B'shin é an tslí is fearr chun teacht ar an réiteach seo; an deacracht a bhraitheann daoine nach bhfuil dóthain i gCorca Dhuibhne, nach bhfuil éinne faoi láthair i gCiarraí theas agus go bhfuil na Gaeltachtaí eile fágtha i leataobh. D'fhéadfaí na tuairimí a thabhairt go bord réigiúnach agus go mbeadh ionadaíocht ón mbord sin a rachadh chun cinn go dtí an príomhbhord. Ar shlí, táimid ag troid anois faoi cé mhéad duine a bheas ann agus faoi cé mhéad a labhraíonn Gaelainne sa cheantar. Ní bheidh sé fuirist é sin a rá le 20 duine, agus b'fhéidir nach 20 a chríochnóidh sé leis ach le 22. Ní feidhmeodh an bord go maith agus bheadh an iomarca polaitíochta istigh ann. Mo leithscéal as sin a rá le polaiteoirí.