Ms Eimear N? Mhurch?:

Ón gcliabhán ach ón uair a thosaíonn siad ann freisin. Is féidir go bhfuil Gaelainn ag an mbeirt tuismitheoir nó nach bhfuil sí ach ag tuismitheoir amháin agus go bhfuil an duine eile ag iarraidh feabhas a chur ar a gcuid Gaeilge. Tugann sé an-spreagadh dúinn é sin a fheiceáil. Tá sé sin an-tábhachtach. Má táimid ag caint faoin nGaeltacht agus más Gaeltacht atá uainn, agus tá cinnte, caithfimid féachaint ar an bpobal sin. Aontaím leis an rud a dúirt Páidí Ó Sé. Ó thaobh cúrsaí pleanála, tithíochta agus rudaí mar sin de, bhí mé ag caint le duine inné atá ag iarraidh bogadh amach óna teach féin toisc nach bhfuil ach beirt fágtha ar an mbóthar sin. Ó thús an bhóthair sin, is turas 7 nó 8 míle go dtí an deireadh é agus níl ach beirt fágtha air, áit a raibh 20 teaghlach i lár na 1980idí. Is toradh é sin den bhánú atáimid ag féachaint air. Ní féidir le han-chuid de na daoine sin a dtithe a thabhairt do dhaoine eile. Mar shampla, tá tig an duine a bhí mé ag caint léi inné suite i lár feirme. Ní bheadh sé oiriúnach di go mbeadh daoine eile mórthimpeall ar an bhfeirm atá lonnaithe amach in áit éigin eile agus ag teacht agus imeacht. Ní theastaíonn ó dhaoine na tithe sin a thabhairt do dhaoine eile fad is atá siad lonnaithe i lár an aonaigh. Is é sin an áit ina bhfuil an fhadhb. Tá tithe ann atá ábhairín oiriúnach ach nílimid in ann daoine a chur iontu. Caithfimid féachaint air sin. Caithfimid féachaint ar staid na tithíochta ionas go mbeidh níos mó ag teacht chuig an naíolann, an naíonra agus ár scoil Ghaeltachta.