Mr. P?id? ? S?:

Níl aon fhadhb le cumhachtaí breise. Is muintir phobal na hÉireann iad an mhuintir atá ag obair sa chomhairle contae ach is dóigh liom go ndéanann siad dearmad go bhfuil an Ghaeltacht ann agus ní thugann siad deis do mhuintir na Gaeltachta. Tá a fhios ag an Teachta féin faoi seo. Má theastaíonn uait tigh a thógáil i gCorca Dhuibhne, in Uíbh Ráthach nó in aon áit mar sin, tá costas ar an talamh. Tá costas ar na tithe. Ní féidir dul in iomaíocht leis na daoine a thagann isteach chun tithe a thógáil. Caithfear tús áite a thabhairt do dhaoine chun cead pleanála a fháil. Tá duine ag obair againn anseo agus is dócha gur thóg sé suas le sé nó seacht de bhlianta don tigh cead pleanála a fháil ar a talamh féin ina ceantar féin. Tá sí chomh Gaelach mar dhuine agus an oiread dua uirthi ó thaobh cead pleanála.

Tá deacracht uaireanta ag an gcomhairle contae muintir na háite, nó muintir na Gaeltachta pé scéal é, a thuiscint. Ba cheart rud éigin a chur chun cinn chun go mbeadh tús áite acu.