Mr. P?id? ? S?:

An pointe go bhfuilim ag déanamh ná seo: an tslí go bhfuil an dlí agus dualgais na gcomhairlí contae leagtha amach, dá n-athrófaí é sin anois agus rudaí a chur faoi bhráid an údaráis bheadh muid ar fad ag éirí as mar gheall ar an bhfad a thógfadh sé. Cuimhnigh an fad a thóg sé Acht na Gaelainne a chur chun cinn. Dá bhrí sin, ba cheart go mbeadh níos mó brú ó thaobh an plean áitiúil, plean an chontae, go mbeadh an chomhairle contae ag tabhairt tús áite an-soiléir do mhuintir na Gaeltachta agus do dhaoine le Gaelainn sna ceantair seo. Tá muidne, le cúnamh Dé, chun cúpla tigh a thógáil sa cheantar seo. Bhí plé agam seacht mbliana ó shin leis an gcomhairle contae faoin talamh atá acu chun go bhféadfaimis seilbh a fháil air, comhoibriú agus tithe a thógáil. An t-aon rud a dúradar ná go raibh an liosta bunaithe ar na daoine go raibh éileamh acu agus a bhí istigh cheana féin. Níl aon bhaint ag an nGaelainn leis sin, is cuma cad as dóibh.