Mr. Miche?l ? h?anaigh:

Níl. Creid nó ná creid, tá tionscadal de chuid an údaráis lonnaithe ar Parkmore a d'athraigh as Gaoth Dobhair blianta ó shin ach is eisceacht ar fad é sin. Ag dul ar ais ag an toghchán agus ag an gceist i dtaobh Acla agus Thuar Mhic Éadaigh agus mar sin, tá sé deacair ach sílim go bhfuil sé fíorthábhachtach a chinntiú, in aon bhealach gur féidir, go bhfuil níos mó gutha ag na ceantair bheaga. Bheadh níos mó luacha i ndul chun cinn an údaráis dá bharr sin. Bheadh an luach le fáil as ceantair cosúil le hUíbh Ráthach, iardheisceart Dhún na nGall nó Gaeltacht an Láir a thabhairt isteach. I dtaobh an choiste meastóireachta, mar a bhí Anna Ní Ghallachair ag rá, tá sé ann i gcónaí. Ní chasann sé le chéile go rialta mar caithfidh tograí dul os cionn suim áirithe airgid sula dtagann sé le chéile. Níor tugadh le chéile é le mo linn, mar a tharlaíonn sé.