Oireachtas Joint and Select Committees

Wednesday, 17 May 2023

Joint Committee on the Irish Language, the Gaeltacht and the Irish Speaking Community

Ceannteidil an Bhille um Údarás na Gaeltachta (Leasú), 2022: Grinnscrúdú Réamhreachtach (Atógáil)

Photo of Éamon Ó CuívÉamon Ó Cuív (Galway West, Fianna Fail) | Oireachtas source

Okay. An mbeadh na finnéithe i bhfabhar go mbeadh foráil san Acht a thabharfadh cumhachtaí pleanála agus tithíochta do bhord an údaráis? Mar is eol dóibh, tugadh freagracht maidir le riar scéimeanna ar nós an rural social scheme, RSS, agus Tús d'Údarás na Gaeltachta. I gcontaetha eile, tugadh an fhreagracht sin do chomhlachtaí páirtnéireachta. An gceapann na finnéithe gur chéim mhór chun cinn a bheadh ann dá ndéanfaí na freagrachtaí maidir le riar naíolanna, réamhscolaíochta agus luathoideachais sa nGaeltacht a tharmligean don údarás, ag glacadh leis gur trí Ghaeilge amháin a riarfaí na háiteanna seo ó tharla go bhfuil sé thar a bheith tábhachtach breith ar leanaí ó thaobh cúrsaí teanga chomh luath is a chaitear ar an sop iad?

Tá dhá cheist beaga eile agam. Le haghaidh na dtograí ollmhóra, ba é an leagan amach a bhí ar an mbord suas go 2012 ná go raibh coiste meastóireachta ann. Bhí an IDA, Enterprise Ireland, cathaoirleach an bhoird, príomhfheidhmeannach an údaráis agus duine amháin eile gur ball den bhord é nó í ar an gcoiste. Bhí cothromas ann so bhraith cúrsaí ar an mbealach a chuaigh an cathaoirleach ag deireadh an lae má bhí coimhlint ann. Dhein an coiste seo meastóireacht ar thograí eile má bhí saineolas ag teastáil. An gceapann na finnéithe go mba cheart a leithéid a thabhairt ar ais arís? Dúradh liom gur oibrigh sé thar cionn nuair a bhí sé ann. Níl a fhios agam cén fáth ar cuireadh deireadh leis ach cuireadh. Bhí a leithéid ann suas go 2012. Ní raibh sé ann i rith am na bhfinnéithe.

Comments

No comments

Log in or join to post a public comment.