Mr. Miche?l ? h?anaigh:

Baineann an chuid is mó de na rudaí ar chlár bhord an údaráis le gnóthaí príobháideacha agus tá an méid atá ann commercially sensitive. Táimid ag brath go huile agus go hiomlán go mbeadh muinín ag na príomhaithe in Údarás na Gaeltachta sna feidhmeannaigh agus sa bhord agus mar sin caithfidh sé a bheith rúnda. An rud atá i gceist agamsa ná gur féidir dul amach ag an am cuí agus insint do dhaoine go bhfuil dea-scéal ann, go bhfuil an infheistíocht seo á déanamh, an méid atá á infheistiú agus mar sin de. Bíonn sé sin poiblí luath go leor agus coinnítear daoine ar an eolas faoi. Is maith an rud dea-scéal a chur amach. Cinnte níl bealach ar bith go n-oibreodh sé i láthair na huaire daoine ó na meáin a bheith istigh ag mórchuid de chruinnithe an údaráis. Ní oibreodh sé.