Ms Anna N? Ghallachair:

Cuid de na daoine a chloiseann muid sna meáin, b’fhéidir go bhfuil siad ag dul siar mar a bhí rudaí 15 bliain ó shin. B’fhéidir go mbeadh siad den tuairim gur féidir an t-eolas a fháil go díreach ó na comhaltaí agus na hionadaithe maidir le hobair na Gaeltachta agus caidé atá á phlé agus a leithéid. De bharr go bhfuil GDPR agus 20 rud eile againn i dtaca le cúrsaí rialachais anois, sílim go bhfuil an lá sin thart. B’fhéidir go bhfuil dul amú ar chuid den phobal i dtaca leis an méid eolais gur féidir a roinnt leo ag an bpointe seo san áit a bhfuilimid sa lá atá inniu ann.