Aengus Ó Snodaigh (Dublin South Central, Sinn Fein) | Oireachtas source

An-mhaith. Is é sin deireadh leis an bplé. Ba mhaith liom mo bhuíochas a ghabháil le Sorcha Ní Chéilleachair arís go hoifigiúil as an gcabhair a thug sí don chomhchoiste.

Beidh an chéad chruinniú phoiblí eile den chomhchoiste ar siúl ar 1.30 p.m. Dé Céadaoin seo chugainn i seomra coiste 4, áit a phléifimid an t-ábhar seo arís; is é sin an scrúdú réamhreachtach ar cheannteidil an Bhille um Údarás na Gaeltachta (Leasú), 2022. Sa chéad seisiún, beidh cathaoirleach TG4, Anna Ní Ghallachair, agus chomh maith leis sin beidh an comhairleoir forbartha Mícheál Ó hÉanaigh linn. Sa dara seisiún beidh an plé ar an ábhar céanna agus beimid ag déileáil le Comhchoiste Ghaeltacht Uíbh Ráthaigh, Forbairt Na Dromada Teoranta agus Comharchumann Forbartha Chorca Dhuibhne.