Éamon Ó Cuív (Galway West, Fianna Fail) | Oireachtas source

Aontaím leis an bhfinné ach fós tá an fhadhb ann. Ní cheart go mbeadh ort glas a chur ar an gcarr leis an gcarr a fhágáil ar thaobh na sráide ach bíonn ort é a dhéanamh mar tá gadaithe ann. Is í an taithí atá againn ná go mbaintear mí-úsáid as rud más féidir agus beidh an dream macánta cneasta cumasach thíos leis. Glacaim leis go mbeadh fadhb ag riar mhaith cainteoirí dúchasacha le TEG B2. Níl mórán eolais agam ar an scrúdú céanna ach de réir mar a thuigim, tá sé sáchdian agus sach-acadúil, ach chaithfeadh duine a bheith in ann an obair a dhéanamh trí Ghaeilge ar a chompord nó ar a compord. Is í an cheist atá ann agus is dóigh liomsa an cheist go gcaithfimid a fhreagairt ná cén chaoi is féidir linn a chinntiú gur daoine atá in ann an obair a dhéanamh trí Ghaeilge go compordach a thoghfar ar bhord an údaráis, más toghchán é.