Aindrias Moynihan (Cork North West, Fianna Fail) | Oireachtas source

I ndáiríre, táim dírithe ar éinne atá gníomhach sa phobal agus a bheith ag seasamh i gcomhair an údaráis. Toisc gur pobail bheaga atá ann, tá gach cosúlacht ann go mbeadh coimhlintí ann ar aon nós, is cuma an mbeadh na hiarrthóirí ina mbainisteoir comharchumainn, duine den fhoireann, bainisteoir comhlacht a fhaigheann deontais ón údarás nó iomaitheoir an chomhlachta sin. Pé slí go gcasfaí é, is pobail bheaga iad agus ní bheidh éinne lánaimseartha ar bhord an údaráis. Tá gach cosúlacht ann go mbeidh sé dúshlánach. An chóir go mbeadh aon saghas srianta i gceist nó ar chóir aon srianta?