Oireachtas Joint and Select Committees
Wednesday, 10 May 2023
Joint Committee on the Irish Language, the Gaeltacht and the Irish Speaking Community
Ceannteidil an Bhille um Údarás na Gaeltachta (Leasú), 2022: Grinnscrúdú Réamhreachtach (Atógáil)
Aindrias Moynihan (Cork North West, Fianna Fail) | Oireachtas source
Is beag tuarastal atá ann. Ní dócha go mbeadh éinne atá mar ionadaí ar bhord an údaráis ag maireachtáil air. Is pointe suimiúil é. Fiú mura bhfuil daoine mar dhuine den fhoireann nó bainteach le comharchumann nó eagraíocht eile mar sin, tá gach cosúlacht ann go mbeadh post eile acu. B'fhéidir go mbeadh siad ina mbainisteoir ar chomhlacht thíos ansin nó ag obair i gcomhlacht a bhfuil an t-údarás ag tabhairt tacaíochta dó nó i gcomhlacht nach bhfuil ag fáil tacaíochta uaidh. Ní bheidh éinne lánaimseartha ar an mbord. Beidh coimhlintí ann. Cén saghas srianta gur chóir a bheith ann? Ar chóir go mbeadh aon srianta ann?
No comments