Ms Sorcha N? Ch?illeachair:

Ba bhreá linn ar fad dá mbeadh sé 50:50 ach ní tharlaíonn sé sin.

Níl a fhios agam ach tá mé ag ceapadh go mbeadh na mná níos compordaí dá mbeadh fóram éigin acu agus dá mbeidís in ann a rá go bhfuil siad mar chuid den fhóram agus go bhfuil a n-áiteanna tuillte acu - ní mar gheall gur mná iad ach mar gheall go bhfuil siad ag iarraidh a bheith páirteach sa rud seo. Ansin, roghnófaí nó bheadh toghcháin idir mná an fhóraim féin nó rud éigin mar sin seachas an cuóta seo, lena mbeadh daoine ag lorg bean chun áit a líonadh. Tá gach aon seans ann gur duine cumasach amach is amach a bheadh sa bhean sin - tarlaíonn sé sin - ach bheadh sí brandáilte i gcónaí mar token. Caithfear é seo a sheachaint. Is rud maith iad na cuótaí ach, ar an taobh eile de, bíonn sé sin le rá. Uaireanta, úsáidtear é seo leis an mbean a chur síos, leis an mbonn a bhaint aisti agus chun í a chiúnú. Ní maith liom é sin ach an oiread.