Ms Sorcha N? Ch?illeachair:

Ba dheas dá mbeadh ról chomhairle contae ag an údarás agus go mbeidís ag feidhmiú mar chomhairle contae don Ghaeltacht. Sin í an bhrionglóid; go mbeadh daoine ann a thuigfidís daoine Gaeltachta agus an Ghaeltacht agus aon chinneadh a bheadh le déanamh, go mbeadh sé ar son na Gaeltachta agus ar son na teanga. Ní sin mar atá. Tá teacht agus imeacht agus cumhachtaí tábhachtacha nach bhfuil ag an údarás.

Ba dheas liomsa dá mbeadh cúrsaí pleanála faoi chúram an údaráis ach tá ceisteanna eile ansin mar gheall ar an údarás a bheith páirteach i dtógáil agus rudaí mar sin. B’fhéidir go mbeadh sé ag ceadú rudaí a bheadh á lorg aige féin agus mar sin, ach ba mhaith é dá mbeadh cúraimí pleanála ar an údarás. Tuigim an méid oibre a chaithfear a dhéanamh le sin a chinntiú ach ní hé sin le rá nach mbeadh sé mar sprioc amach anseo agus nach mbeadh sé mar sprioc go mbeadh cumhachtaí iomlán chomhairle contae agus údarás oideachais chomh maith. Ba cheart go mbeadh aon rud a bheadh ag baint leis an nGaeltacht ann.