Aengus Ó Snodaigh (Dublin South Central, Sinn Fein) | Oireachtas source

Glacaim leis go bhfuilimid ar fad den tuairim céanna toisc na hoibre breá a rinne sé thar na blianta. Chas sé linn uilig mar an céanna nuair a rinne sé agallamh orainn. Ní raibh cairde aige nuair a bhí muid os a chomhair; bhí sé dian go leor orainn ar fad.

Agus é sin ráite, cuirfidh mé clabhsúr leis an gcruinniú. Gabhaim buíochas leis an Aire agus le hoifigigh na Roinne - Katherine Licken, Tríona Quill, Aodhán Mac Cormaic agus Eoghan Ó Droighneáin - as a bheith linn chun an cur i láthair a dhéanamh agus na ceisteanna a fhreagairt.

Tá sé i gceist againn go mbeidh an chéad chruinniú poiblí eile den chomhchoiste ar 1.30 p.m. an Céadaoin seo chugainn anseo i seomra coiste 4, nuair a dhéanfar grinnscrúdú réamhreachtaíochta ar cheannteidil an Bhille um Údarás na Gaeltachta (Leasú), 2022. Beidh ionadaithe anseo thar cheann Women for Election agus déanfaimid plé ar na forálacha nó na ceannteidil atá sa Bhille sin ag an am sin.