Oireachtas Joint and Select Committees
Thursday, 20 April 2023
Joint Committee on the Irish Language, the Gaeltacht and the Irish Speaking Community
Leithdháileadh Airgid ar an nGaeilge agus ar an nGaeltacht agus Buiséad TG4: An tAire Turasóireachta, Cultúir, Ealaíon, Gaeltachta, Spóirt agus Meán
Catherine Martin (Dublin Rathdown, Green Party) | Oireachtas source
Tá an Roinn ag tabhairt socraithe chun críche leis an tSeirbhís um Cheapacháin Phoiblí chun comórtas do phost an Choimisinéara Teanga a fhógairt. Táthar ag súil go n-eiseofar an fógra go gairid agus tá seans ann go dtógfaidh sé suas le trí mhí chun iarrthóir a roghnú ó dháta an fhógra agus go bhféadfaí go mbeadh lár an tsamhraidh ann sula mbeidh duine nua tosaithe sa phost. Áfach, tá na feidhmeanna ar mhaithe le leanúnachais á gcinntiú i bhfeidhm i gcúraimí oifig an Choimisinéara Teanga agus tar éis dó comhairle dlí a fháil ar an ábhar tá feidhmeanna an Choimisinéara Teanga á dtarmligean chun stiúrthóir na hoifige, Séamas Ó Concheanainn, faoi mar a cheadaítear faoi mhír 9 den Dara Sceideal d’Acht na dTeangacha Oifigiúla, 2003 agus tá na feidhmeanna sin á dtarmligean aige ón 12 Feabhra 2023 go dtí go gceapfar Coimisinéir Teanga nua.
No comments