Éamon Ó Cuív (Galway West, Fianna Fail) | Oireachtas source

Ach bhain sé sin le RTÉ1, an cainéal teilifíse. Fágfaimid an t-ábhar sin mar atá sé mar tá ábhair eile againn agus níl mé ag iarraidh an coiste a choinneáil ró-fhada aige seo.

Maidir le maoiniú na Gaeilge ag an Roinn go ginearálta, agus an mhír sin di a bhaineann leis an nGaeilge agus an Ghaeltacht atá sna Meastacháin, tá ceann ann freisin, sílim, d’ealaín agus cultúr. An bhféadfadh an tAire a rá liom, deirim idir airgead agus céatadán, cén t-ardú a tháinig ar an leithdháileadh le haghaidh na Gaeilge do na blianta 2021, 2022 agus 2023, is é sin an céatadán agus an t-airgead? Fiafraím an rud céanna di maidir leis an leithdháileadh do na healaíona agus don chultúr.