Catherine Martin (Dublin Rathdown, Green Party) | Oireachtas source

Fáiltím roimh thiomantas RTÉ a chinntíonn go bhfuil an Ghaeilge chun tosaigh agus lárnach ar fud an ardáin agus tugaim faoi deara gur thug an Coimisinéir Teanga aitheantas don dul chun cinn atá déanta le blianta beaga anuas.

Do bhliain 2022, chraol RTÉ 1,075 uair a chloig d'ábhair Ghaeilge ar fud na gceithre seirbhísí líneacha teilifíse sa bhreis ar an aitheantas a bhí ina phlean Gaeilge 2020 do 2022. Thiomsaigh RTÉ plean Gaeilge nua trí bliana don Choimisinéir Teanga i mí na Nollag seo caite a chlúdaíonn na blianta 2023-25. Cuireadh fáilte mhór roimh phlean Gaeilge 2023-25, ag tógáil ar an bplean a bhí ann roimhe seo agus gealltar ann go méadófar na huaireanta craolta Gaeilge íosta ar gach ceann de chuid na trí bliana eile. Díreofar isteach go sonrach sa phlean ar thiomantas RTÉ do chúrsaí reatha Gaeilge i sraith nua cúrsaí reatha, fóram a thosóidh ar theilifís RTÉ1 go luath.

Faoi 2025, beidh méadú de níos mó ná 100,200 uair a chloig d’ábhair Gaeilge á chraoladh ar RTÉ ó 2027 i leith thar roinnt seánraí, lena n-áirítear drámaíocht, daoine óga, spórt, faisnéis nuachta, agus cúrsaí reatha.

Mar is eol don Teachta, cheap mé cathaoirleach ar RTÉ le déanaí agus Coimisinéir um Fhorbairt na Meán agus tá an bheirt acu líofa sa Ghaeilge. Sílim go bhfuil sé sin an-tábhachtach maidir leis an ábhar seo.