Catherine Martin (Dublin Rathdown, Green Party) | Oireachtas source

Ar bhonn ginearálta, mar a bhaineann leis an gciste a chur ar fáil d'Údarás na Gaeltachta, déantar na pointí seo a leanas. Ó tháinig an Rialtas seo isteach in oifig, ceadaíodh maoiniú breise d'Údarás na Gaeltachta mar chuid de cheannscríbe poist i mí Iúil 2020, ina raibh soláthar caipiteal suas le €8 mhilliún breise ar fáil don údarás chun uasghrádú riachtanais a dhéanamh ar an stoc foirgnimh agus ar chóras cóireála uisce. Údar sásaimh is ea é dá réir go bhfuil ardú 70% san iomlán curtha ar an tsoláthar caipiteal atá ar fáil d'Údarás na Gaeltachta ó 2020, i gcomparáid leis an mbunlíne caipiteal de €8.5 milliún in 2019.

Níor mhiste a chur san áireamh chomh maith go bhfuil fáil ag an údarás ar fhoinsí eile maoinithe de chuid mo Roinne, beag beann ar an tsoláthar thuasluaite. Sa chomhthéacs sin, luafainn an ciste a bheidh á chur ar fáil ag mo Roinn ó chlár tacaíochtaí pobail agus teanga na Roinne, fomhír C3, chun a chumasú don údarás roinnt tograí caipiteal faoi leith sa réimse oideachais óga agus turasóireachta cultúrtha a fhorbairt sna blianta amach romhainn. In éindí le foinsí maoinithe mo Roinne, níor mhiste a lua chomh maith go bhfuil foinsí maoinithe eile ag an údarás ar nós an ciste um athghiniúint agus forbartha tuaithe chomh maith leis an gciste um forbairt fiontraíochta-----