Catherine Connolly (Galway West, Independent) | Oireachtas source

Gabh mo leithscéal as cur isteach ar an Aire ach tá a fhios agam é sin agus fáiltím roimh an dul chun cinn atá déanta. Tá a fhios againn ó cheisteanna atá curtha againn an méid dul chun cinn atá á dhéanamh ag an Roinn. Ag an am céanna, tá sé ráite go neamhbhalbh aréir ar an gclár faisnéise ar TG4 go bhfuil géarchéim i gceist agus go bhfuil laghdú suntasach ar líon na mban tí. Bheinn buíoch dá bhféadfadh an tAire a rá an bhfuil sí ag glacadh leis sin agus cad iad na réitigh. Luaigh an clár go speisialta an easpa deontais ón Roinn Oideachais, rud nach mbaineann linne. Áfach, an bhfuil aon idirghabháil á dhéanamh leis an Roinn Oideachais? Táim ag díriú ar an méid atá tagtha chun solais os comhair na coiste seo agus ar an gclár faisnéise.