Catherine Connolly (Galway West, Independent) | Oireachtas source

Tá an DPI i gceist agus tá sruth airgid i gceist. Tá súil agam go n-inseoidh na finnéithe dom má tá mé mícheart ach, de réir mar a thuigim, tá sruth airgid ón Rialtas i gceist faoin scéim seo do DPI. Baineann sé sin le líon na n-eastát atá ann ó na 1990idí agus ó 2000 ar aghaidh nach bhfuil aon réiteach buan séarachais acu. An bhfuil mé ceart nó mícheart?