Éamon Ó Cuív (Galway West, Fianna Fail) | Oireachtas source

Tá ceist deiridh amháin agam. Tuigim an rud atá á rá ag an Aire maidir leis na múinteoirí ach ag deireadh an lae, de réir mar a thuigimse, titeann an dualgas seo go haonaránach ar an bpríomhoide. An gceapann an Aire go bhfuil sé cothrom gur orthu siúd a thiteann an dualgas díolúine a dhiúltú nó a cheadú, go háirithe i gcomhthéacs na ngaol a chaithfeadh a bheith idir príomhoidí agus tuismitheoirí?