Mr. John Boyle:

Tá sé tábhachtach a rá nach bhfuil strus faoi leith ag teacht ón nGaeilge. Is cinnte go mbíonn strus sna scoileanna. Tá cuid mhór páistí agus a gcuid tuismitheoirí fosta faoi strus. Is maith an rud é go bhfuil an Roinn sásta an scéim píolóta seo a chur i gcrích. Ba chóir don Roinn an scéim píolóta fá choinne children's mental health a chur in achan scoil, ach tús maith leath na hoibre.

Nuair a bhí mise ag caint le tuismitheoirí maidir leis an strus atá orthu ó thaobh na Gaeilge de, bhí siad ag amharc cúig nó sé bliana síos an bóthar agus ag smaoineamh at an leaving cert. Shíl siad go mbeadh níos lú strus ar a gcuid páistí cúig ábhar a dhéanamh in ionad sé ábhar nó seacht n-ábhar. Bhí siad iontach sásta teanga iasachta eile a dhéanamh in áit na Gaeilge. Níl ciall leis sin. Is í an Ghaeilge ár dteanga náisiúnta agus tá sé tábhachtach go mbeadh achan páiste ag déanamh staidéir ar an Ghaeilge chomh maith agus is féidir. Ní aontaím leis an bpointe faoi strus, ach amháin a rá go mbíonn strus ar pháistí cinnte sna scoileanna.