Mr. M?che?l S Mac Donnacha:

Tá curaclaim teanga ag na bunscoileanna ar fad. Tá an smaoineamh seo ann go mbíonn siad ag foghlaim an Ghaeilge agus an Béarla ag an áit a bhfuil siad, in ainneoin na ndeacrachtaí, agus go bhfuil siad ag bogadh chun cinn sa dá theanga. Tá an taighde agus an cleachtas againn anois gur féidir leis an dá theanga cabhrú lena chéile. Tá gasúir sna scoileanna Gaeltachta anois tar éis luathoideachais a dhéanamh sna bunranganna atá tosaithe ar an mBéarla ag rá go ndearna siad an rud céanna sa Ghaeilge. Tá na gasúir atá á rá seo seacht mbliana d'aois. Níos tábhachtaí fós, bíonn siad in ann na difríochtaí a chur in iúl agus a rá nach bhfuil sé mar a chéile sa Ghaeilge agus atá sé sa Bhéarla. Tá an cineál smaointeoireachta seo tosaithe acu ag seacht mbliana d'aois. Cá bhfuil sé sin sna scoileanna Béarla, cé go bhfuil an curaclam teanga céanna ann don dá rud? Bhí an smaointeoireacht agus an fhís taobh thiar den churaclam teanga an-mhaith agus láidir, ach nuair nach bhfuil an tacaíocht ann agus nach bhfuil scrúdú caighdeánach ann agus na rudaí sin ar fad a théann leis, bíonn an Ghaeilge thíos arís agus fágtha ar leataobh.