Mr. Caoimh?n ? hEaghra:

Maidir le pointí mar sin, tá sé contúirteach faoina dtagann na figiúirí agus na staitisticí amach mar is é ceann de na staitisticí a bheidh á bhrú chun cinn ná go bhfuil líon na ndíolúintí atá tugtha ag an mbunleibhéal tar éis titim, agus tá seans go bhféadfaí á rá go bhfuil an ciorcal ann agus go bhfuil an córas ag obair mar gheall go bhfuil an líon ag titim. Tá na rudaí atá ráite ag Mícheál Mac Donnacha anois, ámh, ansin an-cheangailte anseo. Is suas don phríomhoide anois an díolúine a thabhairt agus tuigeann tuismitheoirí nach gá an troid a dhéanamh ag an mbunleibhéal. Is gá dul i dtreo an dara leibhéal agus go bhfaighidh siad an díolúine ansin mar is é sin an áit ina bhfuil sé. Tá na tuismitheoirí sásta go leor scaoileadh le páistí agus gan an díolúine a lorg ag an mbunleibhéal go minic, más é sin an rogha a dhéantar. B'fhéidir gurbh é sin cuid den fháth go bhfuil na staitisticí sin ag titim. Ní lorgaítear iad agus tá siad an titim ag an mbunleibhéal dá bharr. Feicfimid ansin an méadú atá tagtha ag an dara leibhéal mar go dtuigeann siad go bhfuil déanamh an chinnidh i lámha an phríomhoide anois.