Mr. M?che?l S Mac Donnacha:

Tá sé feabhsaithe go mór de réir a chéile ó thaobh comhráití agus cainte de. B'fhéidir go ndearna an polasaí um oideachas Gaeltachta é sin freisin. Láidrigh sé na scoileanna féin chun a bheith níos láidre agus in ann a rá go bhfuil siad ag múineadh trí mheán na Gaeilge agus gurb é sin an chaoi ina n-oibríonn sé toisc go ndeireann cuid den taighde é sin. Láidrigh sé eagraíochtaí áirithe ar nós Gaeloideachais, an Chomhairle um Oideachas Gaeltachta agus Gaelscolaíochta, COGG, agus an Fhoras Pátrúnachta chun a bheith in ann rá gurb é seo an taighde. Ní chuireann sé seo as dóibh. Thosaigh siad ag éisteacht agus thosaigh an dearcadh a laghdú. Mar a luaigh mé, ba é an rud is lú a thosaigh é sin ag laghdú agus na moltaí seo a bhíodh á dtabhairt do tuismitheoirí Gaeltachta a ngasúir a bhogadh, mar shampla, ó scoil i gConamara go scoil i nGaillimh. Tabharfaidh mé sampla an-tapa. Mar chathaoirleach ar bhord bainistíochta scoile, fuair mé litir uair amháin ag rá go mb'fhéidir go mbeidh sé oiriúnach don scoil athrú go dtí an Béarla mar gheall ar ghasúirín amháin a raibh deacracht foghlama aitheanta ó thaobh an teanga de acu. Tá sé sin siar roinnt mhaith blianta ó shin ach is é sin an cineál meoin a bhí ann. Thosaigh sé sin ag athrú le cúpla bliain anuas ach, mar a dúirt mé, is é an deacracht leis sin anois ná nach bhfuil focail na saineolaithe sin chomh tábhachtach i gcásanna díolúine agus a bhí agus go bhfuil an rogha fágtha ag an bpríomhoide.