Catherine Connolly (Galway West, Independent) | Oireachtas source

Beidh tuarascáil á réiteach ón gcoiste freisin agus beidh é sin á phlé ar thalamh na Dála. Is é sin an rud is tábhachtaí ná í a chur as an seomra seo suas go dtí an Dáil agus í a phlé ansin. Tá i bhfad níos mó ná córas na ndíolúintí i gceist anseo. Rinneamar céim chun tosaigh tar éis na mblianta le hAcht na dTeangacha Oifigiúla, 2021 agus, ansin, rinneamar dhá chéim ar gcúl agus tá sé deacair, i ndáiríre, a bheith ag éisteacht gach seachtain leis. Tá trua agam agus táim buíoch díobh as ucht na ceiste seo a chur ar bhealach comhtháite agus í bunaithe ar fhianaise.

Maidir leis an bhForas Pátrúnachta, baineann sé le scoileanna atá taobh amuigh den Ghaeltacht agus leis an oideachas lán-Ghaeilge. Níl aon ghá le díolúintí ansin ach an mbíonn iarratais ar dhíolúintí? Ar thuig mé i gceart é go mbíonn daoine á lorg, nó an féidir an pointe sin a shoiléiriú, agus cad a tharlaíonn ansin?