Aengus Ó Snodaigh (Dublin South Central, Sinn Fein) | Oireachtas source

Tá sraith cruinnithe i gceist agus tá súil agam go mbeidh Cumann Náisiúnta na bPríomhoidí agus na Leas-Phríomhoidí os ár gcomhair chomh maith le ceardchumainn na múinteoirí san áireamh, Comhlathas Disléicse na hÉireann, AsIAm, agus dreamanna mar sin, le go bhfaighimid iomlán an eolais agus roinnt freagraí uathu. Tá sraith cruinnithe i gceist seachas ceann amháin. I ndeireadh thiar thall, beidh cruinniú againn leis an Aire le go mbeimid in ann roinnt de na pointí atá ardaithe ag ár n-aíonna, ag an Teachta Ó Cuív agus ag Teachtaí eile a chur go díreach chuig an Aire. B'fhéidir go mbeidh sí sásta athrú a dhéanamh láithreach ach ní fheicim go dtarlóidh sé chomh tapa sin. An raibh ceist ag an Teachta Connolly?