Catherine Connolly (Galway West, Independent) | Oireachtas source

De ghnáth, ní bhíonn drogall ar bith orm ceist a chur ach níl a fhios agam. Tá sé deacair teacht timpeall ar na fadhbanna. Is maith an rud é go raibh dreamanna éagsúla agus na finnéithe atá ann inniu os ár gcomhair. Deir na finnéithe gur easpa acmhainní an phríomhchúis atá leis an rud. Bhí an-trua ag formhór na ndreamanna sin a tháinig os ár gcomhair ar ÁIS nach raibh foireann go leor aige. Ag an am céanna bhí siad ag rá go raibh fadhb mhór ann ó thaobh cúrsaí teicneolaíochta.

De ghnáth bíonn ceisteanna agam ach ag éisteacht le gach dream atá tagtha os ár gcomhair, tá sé deacair dom a rá cad iad na fadhbanna agus cad é an réiteach. Bhí fadhb agam i gcónaí ó thaobh cúrsaí cíosa agus níl drogall ar bith orm é sin a rá. Ní raibh mé sásta riamh leis an méid cíosa atá á íoc ag ÁIS agus cheapfainn gur chóir go mbeadh foirgneamh buan gan cíos aige. Ní dóigh liom go raibh aon ghá athrú go dtí an áit a bhfuil sé anois ach phléamar é sin cheana. Níl a dhóthain airgid ag ÁIS chun dul i ngleic leis na réitigh a fheiceann sé. Tá an Ghaeilge thíos ó thaobh easpa beart i ndáiríre, nach bhfuil?