Aengus Ó Snodaigh (Dublin South Central, Sinn Fein) | Oireachtas source

Molaim foireann TG4 ar fad as an méid sin. Is é sin an méid atá agam ó thaobh ceisteanna de. Ní fheicim go bhfuil an Teachta Ó Muineacháin nó an Seanadóir Kyne ag iarraidh ceist a chur, cé go bhfuil siad ar líne go fóill.

Mura bhfuil aon rud eile le rá againn, táimid chun cuairt a thabhairt ar TG4 an tseachtain seo chugainn agus beimid ag féachaint mar choiste ar chéard a tharlaíonn ar an talamh i TG4. Tá an Teachta Calleary chun a bheith ina pháirt walk-on in “Ros na Rún”. Cuirfear deireadh leis ansin cosúil le mar a rinneadh le “Neighbours”. Ag magadh atáim.

Tá an seisiún seo críochnaithe agus ba mhaith liom mo bhuíochas a ghabháil le Alan Esslemont as an gcur i láthair a rinne sé. Táimid ag tnúth go n-éireoidh go maith leis an aighneacht seo aige, níos fearr ná mar atá á lorg aige, agus go mbeidh TG4, ní hamháin slán, ach ag cur leis an tseoid atá ann. Táimid ag súil freisin go bhfaighidh TG4 an t-aitheantas ceart ar an obair atá déanta ag an bhfoireann ann go dtí seo agus ar an obair, go háirithe le dhá bhliain nó beagnach trí bliana anuas. Ba chóir go dtabharfadh an tAire Airgeadais éisteacht cheart agus airgead ceart do TG4 ina dhiaidh sin, agus ní hamháin i mbliana. Tugadh an t-airgead sin anuraidh ach ba cheart go dtabharfaí an t-airgead sin amach anseo le go leanfaidh an fás i TG4 ar aghaidh go dtí go mbeidh leibhéal airgid Thír na mBascach sroichte aige. Is 50%-50% an cóimheas ceart i mo thuairim féin. Ní dhéanfaidh an coiste seo an cinneadh sin. Tacóidh mé leis le-----