Aengus Ó Snodaigh (Dublin South Central, Sinn Fein) | Oireachtas source

Maidir le hacmhainní, mar a dúirt Alan Esslemont níos luaithe, tá níos lú de 10% de turnover RTÉ ag TG4. Nuair a bhíomar ag plé Acht na dTeangacha Oifigiúla (Leasú) 2021 - tá sé rite anois - is é ceann de na rudaí a d'éirigh linn a chur ina luí ar an Aire Stáit agus atá san Acht anois ná foráil faoin gcéatadán caiteachais nó fógraíochta. Glacaim go bhfuil TG4 cosúil le gach uile mheán cumarsáide, clóite nó craolacháin, agus go bhfuil siad ag féachaint conas ar féidir leis an sciar den airgid sin nach dtéann chuige faoi láthair a tharraingt ina threo.