Aengus Ó Snodaigh (Dublin South Central, Sinn Fein) | Oireachtas source

Is gá dúinn catch-up a dhéanamh agus tá an straitéis atá ann agus an leagan amach atá curtha faoinár mbráid inniu spéisiúil. Tá tuiscint ann gur féidir fás a dhéanamh diaidh ar ndiaidh agus go mbeidh gá leis an cineál infheistithe breise seo gach uile bhliain chun na féidearthachtaí, na samplaí agus an straitéis atá leagtha síos a shroicheadh.

Luaigh an Teachta Calleary an tseirbhís nuachta seo. Sa straitéis, tá méid áirithe de €800,000 sa bhreis le caitheamh ar sheirbhísí nuachta agus faisnéise. Táim ag iarraidh teacht ar an bhfigiúr cruinn sna cáipéisí. Glacaim arís, toisc go bhfuil sé seo ag tarlú thar thréimhse bliana, go mbeadh an méid céanna ag teastáil gach uile bhliain chun fás a dhéanamh agus go mbeimis in ann seirbhís nuachta den scoth a chur ar fáil.