Dara Calleary (Mayo, Fianna Fail) | Oireachtas source

Gabhaim buíochas leis an ard-stiúrthóir, Alan Esslemont, as a ráiteas. Agus muid ag breathnú ar TG4, bainimid taitneamh as cúrsaí drámaíochta agus spóirt, go háirithe spórt agus nuacht áitiúil. Cad iad na saghsanna clár nach féidir le TG4 a chraoladh ar féidir le S4C agus leis an ngrúpa sa Chatalóin nó cad iad na rudaí nach féidir leis a dhéanamh? Ag breathnú isteach ón taobh amuigh, is cosúil go bhfuil an-jab á dhéanamh ag TG4. Tá gach uile dhuine i TG4 ag déanamh an-jab. Más rogha airgid é, dá mbeadh an t-airgead atá ag S4C ag TG4, cén sórt difríocht a bhfeicfinn? Is í sin an chéad cheist atá agam.