Catherine Connolly (Galway West, Independent) | Oireachtas source

Tagraím do chúrsaí foirne. Cé mhéad daoine a bhfuil cumas Gaeilge acu? Tá Gaeilge iontach ag Bernie, mar shampla. An bhfuil deiseanna agaibh sa chóras di agus dá comhghleacaithe an Ghaeilge a fhoghlaim agus dul chuig an nGaeltacht is deise sa tír i gConamara? Cén céatadán den fhoireann a bhfuil an Ghaeilge acu? Tá na pleananna teanga imithe anois leis an reachtaíocht nua agus na caighdeáin a bheidh a gceist. Cad atá á dhéanamh? An bhfuil pleananna ann?

Ba mhaith liom dul ar ais go dtí Áine-Máire Ní Cheallaigh. Tá €20,000 ar an iomlán caite againn ar stuif Ghaeilge ó 2019. An féidir é sin a chur i gcomhthéacs leis an gcaiteachas i gcás an Bhéarla? Bhain mé an-úsáid as ciorcail léitheoireachta chun mo chuid Ghaeilge a fheabhsú. An bhfuil sé sin ar siúl in aon cheann de na leabharlanna?