Mr. Seán Ó Coinn:

Sílim gur in 2018 a tharla sé, más buan mo chuimhne. Is sraith amháin a bhí ann agus bhíomar ábalta teacht ar airgead fána choinne, ach mar a mhínigh mé, is é an deacracht atá ann le hacmhainní Chlár na Leabhar Gaeilge ná dá gcuirfí airgead ar fáil d’fhiontair den chineál sin, chaithfí airgead a bhaint de rud éigin eile. Tá na rudaí eile uile atá againn gearrtha síos go dtí an cnámh anois ó thaobh maoinithe de. Ní fhéadfaí níos mó a dhéanamh orthu mar go bhfuil siad ar fad fiúntach, maith agus ag éirí leo uile agus ní fhéadfaí airgead a bhaint díobh.