Aindrias Moynihan (Cork North West, Fianna Fail) | Oireachtas source

Gabhaim buíochas leis na finnéithe as an dá cur i láthair; tá an-chuid eolas ann. Tagraím do TEG agus tá ceist shimplí agam ach seans go bhfuil sé dainséarach. Tá súil agam gur féidir mo thuiscint féin ar TEG a shoiléiriú. Chun TEG a bhaint amach, thosnódh duine ag céim A agus bogfadh sé nó sí ar aghaidh suas tríd na céimeanna éagsúla. Nó an é go ndéantar scrúdú orthu agus ansin iad a chur isteach ag pé céim atá oiriúnach? Conas a tharlaíonn sé sin? B'fhéidir go bhféadfadh na finnéithe é sin a mhíniú. An gá athnuachan a dhéanamh air nó ar an féidir le duine sleamhnú síos tríd na céimeanna mura bhfuil an cleachtadh ann go laethúil? Tá a fhios agam go raibh Fraincis i bhfad níos fearr agam nuair a rinne mé an ardteist seachas mar atá agam anois, mar shampla. Má tá daoine cáilithe ag céim faoi leith i gcomhair post agus mura bhfuil siad ag úsáid an teanga go laethúil, seans go mbeadh athruithe ansin. Conas a oibríonn sé sin le continuous professional development? An mbeadh daoine ag dul isteach agus ag bogadh síos nó suas? An bhféadfaí soiléiriú a thabhairt air sin?

Tagraím don T1 agus T2. Tá go leor múinteoirí agus tuismitheoirí tagtha chugam chun seo a phlé agus aontaím go láidir go bhfuil an-chuid buartha agus go leor bearnaí ann idir an easpa téacsanna scrúduithe agus go leor cúrsaí eile. Ba cheart rud éigin cosúil leis an rogha 2 atá ag duine a chur ar fáil ionas go mbeadh an t-ábhar breise ann agus ionas go mbeadh deis an daoine go bhfuil blas faoi leith acu sa teanga dul ar aghaidh agus b'fhéidir an dá ábhar a dhéanamh cosúil leis an bhféidearthacht atá daoine go bhfuil blas faoi leith acu i matamaitic. Úsáidfimid TEG mar shlat tomhais. An bhféadfaí pegging a dhéanamh idir sin agus na céimeanna éagsúla atá idir bonnleibhéal, gnáthleibhéal, ardleibhéal agus sárleibhéal maidir le rogha 1 agus rogha 2? Aontaím go láidir leis na finnéithe agus roghnóinn féin rogha 2.

Tá sé an-réasúnta go mbeadh an tuarascáil, an t-athbhreithniú agus pé foghlaim atá ann ón teastas sóisearach á úsáid chun an chéad céim eile a fhorbairt. Is easnamh mór é má táimid chun bogadh ar aghaidh gan é. Ón taithí atá ag na finnéithe, an bhfuil aon bhearnaí nó aon laigí a bheidh ag teacht chun cinn sa tuarascáil sin? Aontaím go bhfuil sé an-deacair féachaint cad a bheidh sa tuarascáil ach an bhfuil rudaí go bhfuil a fhios againn go mbeidh ann agus go mbeidh ag cur isteach ar éifeacht an T1 agus an T2?