Oireachtas Joint and Select Committees
Wednesday, 6 October 2021
Joint Committee on the Irish Language, the Gaeltacht and the Irish Speaking Community
Cláir Ghaeilge: RTÉ
Catherine Connolly (Galway West, Independent) | Oireachtas source
An nglacann RTÉ leis go bhfuil an dlí sáraithe aige? Ba mhaith liom seo a chur i gcomhthéacs agus ba mhaith liom a chur in iúl nach bhfuil mé ag iarraidh a bheith ródhian ar RTÉ. Tagraím don chás a raibh os comhair na cúirte le déanaí agus mhaígh an Breitheamh O'Hanlon go bhfuil dualgas reachtúil ar an Stát éascaíocht a dhéanamh ionas go mbeadh saoránaigh in ann an Ghaeilge a úsáid ar chomhchéim leis an mBéarla. Níl an dualgas sin á chomhlíonadh ag an Stát, ag RTÉ nó ag An nGarda Síochána.
Bhí an Coimisinéir Teanga os ár gcomhair an tseachtain seo caite agus de réir mar a thuigim, an modh oibre atá aige ná go dhéanann seisean agus an t-oifig a ndícheall chun obair as lámha a chéile. Rinne sé iarracht obair le RTÉ agus a chur in iúl go bhfuil easpa clár i gceist. Níor éirigh leis agus bhí air imscrúdú a dhéanamh agus ansin é a leanúint suas. Níl sé iomlán ceart a rá gur oibrigh RTÉ leis an gCoimisinéir Teanga cé go ndearnadh sin i ndeireadh na dála.
Tá an plean oibre trí bliana luaite anseo. An bhfuil sé sin le fáil nó an bhfuil sé foilsithe?
No comments