Oireachtas Joint and Select Committees
Wednesday, 21 July 2021
Joint Committee on the Irish Language, the Gaeltacht and the Irish Speaking Community
Cláir Nuachta Gaeilge: Plé
Mr. Alan Esslemont:
Ba cheart an teicneolaíocht a úsáid agus mar sin a thosaigh mé féin amach ag plé mar eagarthóir air seo. Tá suim agam sa teicneolaíocht agus is féidir dul chun cinn a dhéanamh léi. Go háirithe, sa chéad tréimhse de Covid-19 rinne “Nuacht TG4” éacht mar d’éirigh leo teacht ar Ghaeilgeoirí ar ardchaighdeáin ar fud an domhain agus bhí na daoine seo ann i gcónaí ach níor chuimhníomar gur féidir linn iad a fháil agus a thabhairt isteach. Cheannaigh TG4 píosa teicneolaíochta agus is féidir teacht ar an nasc cosúil le Zoom ach déanann sé pictiúr níos láidre de. Is cuimhin liom go ndearnamar agallamh as Barcelona agus bhí an pictiúr ar nós go raibh sé ag teacht as an stiúideo. Creidim go láidir sa teicneolaíocht. Chruthaigh RTÉ TG4 leis an gcéad seomra nuachta digiteach san Eoraip, beagnach, nuair a bunaíodh an stáisiún. Tá sé sin sa DNA againn de bheith ag athrú rudaí.
Maidir leis an gcás seo agus ceamara in RTÉ, mar gheall go bhfuilimid ag fáil an nuacht ó RTÉ, is ceist do RTÉ cén chaoi a úsáideann sé a gcuid acmhainní. Dá mbeadh na hacmhainní ag RTÉ níl aon dabht ach go mbeadh sé á n-úsáid ar an mbealach digiteach sin.
No comments