Pa Daly (Kerry, Sinn Fein) | Oireachtas source

Cuirim fáilte roimh an Aire Stáit. Feicim sa faisnéis go bhfuil caiteachas caipitiúil €16 milliún nár caitheadh in 2020. Tá airgead sa bhreis ag an Aire Stáit don bhliain seo chugainn mar sin. Beidh Raidió na Gaeltachta 50 bliain ar an bhfód an bliain seo chugainn. B'fhéidir go dtabharfaidh an tAire Stáit airgead sa bhreis dó chun an ról cultúrtha agus sa nuacht s'aige a dheimhniú. Ansin b'fhéidir go mbeadh Raidió na Gaeltachta in ann daoine eile a thabhairt isteach sa foireann chun freastail ar an sceideal nuacht 24-7 atá aige.

Chomh maith leis sin, má tá níos mó airgead ag an Aire Stáit, d'fhéadfaí scéim labhairt na Gaeilge a thabhairt ar ais nó cúiteamh a thabhairt do na coláistí samhraidh, na hallaí pobail agus na mná tí. D'fhéadfaí scoláireacht a thabhairt do státseirbhísigh chun am a chaitheamh ag foghlaim Gaeilge sa Ghaeltacht dá dtabharfaí an scéim sin ar ais nuair a bheidh Covid thart.