Lorraine Clifford-Lee (Fianna Fail) | Oireachtas source

Cuirim fáilte roimh an Aire. Bainfidh mé úsáid as an nGaeilge. Tá súil agam go bhfuil an córas ateangaireachta ag oibriú go maith inniu. Tá súil agam go n-inseoidh an tAire dom muna bhfuil.

Ar an gcéad dul síos, ba mhaith a mholadh don Aire polasaí iomlán réabhlóideach a chur ar bun go luath, mar a dúirt mo chomhghleacaí, an Teachta Calleary. Ar an dara dul síos, tá ceist agam faoin bpointe a rinne an tAire maidir le muinín a thabhairt do na múinteoirí óga. An aontaíonn an tAire liom go mbeadh sé fiúntach dá gcaithfeadh na mic léinn múinteoireachta an chéad choicís dá n-oideachas sa Ghaeltacht? De thoradh air sin, bheadh na mic léinn múinteoireachta ag baint úsáid as an nGaeilge ón gcéad uair a bhuaileann siad le chéile. Ón bpointe seo amach, bheidís deas compordach a bheith ag úsáid na Gaeilge lena chéile.