Pa Daly (Kerry, Sinn Fein) | Oireachtas source

Tairgim leasú Uimh. 257:

I leathanach 33, líne 3, ", laistigh de thrí mhí tar éis dó nó di na haicmithe teanga a eisiúint," a chur isteach i ndiaidh "an tAire".

Ní dhéanann sé ciall nach mbeadh spriocdháta ann chun treoirlínte a eisiúint faoi conas caighdeáin a chomhlíonadh agus ba chóir go mbeadh treoirlínte ar fáil go luath tar éis na caighdeáin a eisiúint ionas go mbeadh comhlachtaí poiblí in ann leas a bhaint astu. Mura dtagann treoirlínte go dtí níos déanaí, beidh comhlachtaí poiblí ag tabhairt faoi na caighdeáin cheana féin agus ní beidh fiúntas ag baint leo nó, níos measa fós, beidh comhlachtaí poiblí ag fanacht orthu sula ndéanfaidh siad gníomhú de réir na gcaighdeán.