Oireachtas Joint and Select Committees
Friday, 16 April 2021
Select Committee on the Irish Language, the Gaeltacht and the Irish Speaking Community
Bille na dTeangacha Oifigiúla (Leasú), 2019: Céim an Choiste (Atógáil)
Jack Chambers (Dublin West, Fianna Fail) | Oireachtas source
Níl sé i gceist agam glacadh le leasú Uimh. 256. Tá an cheist seo faoi "féadfaidh" agus "déanfaidh" pléite go minic againn faoin tráth seo. Sa chás seo tugtar cead don Aire treoirlínte a eisiúint chun treoir a sholáthar do chomhlachtaí poiblí maidir le comhlíonadh caighdeáin teanga. Ní gá go n-eiseofar le haghaidh gach caighdeán iad. Beidh cuid acu simplí agus intuigthe, agus beidh sé soiléir céard atá le déanamh le hiad a chomhlíonadh. I gcásanna eile, beidh treoirlínte ag teastáil. Mar sin, tá sé soiléir dom go bhfuil sé níos feiliúnaí gur "féadfaidh" a bheith in úsáid anseo.
No comments